الرئيسية > آش واقع > مستشار جماعي فكازا لـ”كود”: بغيتو نزيدو القدام بعدو وزارة الداخلية وخليو ليها الممارسات البعدية وكان اللي كان مستافد من “صندوق الاشغال” باش كان كيدوز فالظلام
09/01/2021 18:15 آش واقع

مستشار جماعي فكازا لـ”كود”: بغيتو نزيدو القدام بعدو وزارة الداخلية وخليو ليها الممارسات البعدية وكان اللي كان مستافد من “صندوق الاشغال” باش كان كيدوز فالظلام

مستشار جماعي فكازا لـ”كود”: بغيتو نزيدو القدام بعدو وزارة الداخلية وخليو ليها الممارسات البعدية وكان اللي كان مستافد من “صندوق الاشغال” باش كان كيدوز فالظلام

كود احمد الطيب ///

دابا وقعو فيضانات فالدار البيضاء. حسب العقد بين مجلس الدار البيضاء وشركة “ليديك” فهاد الشركة هي المسؤولة على ما حدث. طبعا الامور ماشي بهاد البساطة. 

راه المواطن البيضاوي ما صوتش على هاد الشركة٬ وكاين طرف اخر قوي هي وزارة الداخلية من خلال والي الجهة. 

منتخب فضل عدم الكشف على اسمو قال ل”كود” باللي المشكلة فهاد الشي اللي وقع كولو من فيضانات… راه كيرتباط بشكون المسؤول.
المنتخب قال ل”كود” “بغيتو نزيدو للقدام. يولي المنتخب مسؤول على قراراتو. راه كاينة طريقة وحدة فقط. نبعدو وزارة الداخلية =الوالي والعامل= من الممارسات القبلية للمنتخب”

المنتخب اللي من الاغلبية اللي كتسير المجلس الحالي اضاف ل”كود” شارحا “خاص الداخلية ما يبقاش عندها سلطة باش تصادق على قرارات المنتخب. خاص اعادة النظر فالقانون التنظيمي 113/14 ويعطيو لهاد المنتخب يتحمل مسؤوليتو. تلغى القرارات الادارية. يبقى عند الداخلية المراقبة البعدية وحتى الحق باش تمشي للقضاء. راه هاد الشي هو الاشكال الاساسي. الباقي تفاصيل” يوضح المصدر ل”كود”. 

واضاف حاجة اخرى ل”كود”: “ايلى بغات الداخلية تاخد ملفات بحال تدبير تطهير الشبكة تتكلف بيها بوحدها”.  حقاش ما يمكنش محاسبة مجلس على قرارات تهم “ليديك” وهو ما كيتحكمش فيها” يؤكد المستشار ل”كود”

المصدر استغرب فتصريحو ل”كود” على عقد اجتماع بين والي الجهة وبين الشركة بحضور عمدة المدينة يوم قبل اجتماع الشركة مع المنتخبين. واكد ان هاد الاجتماع بغى يطوي القضية وصافي.

بالنسبة لهاد المنتخب فتصريحاتو ل”كود” فالمشكلة بدات مع “ليديك” من نهار خرج “صندوق الاشغال” للضو. ولى مجلس المدينة كيعرف فين كيتصرفو فلوسو. هاد الشي قلق ماشي غير “ليديك” بل حتى هادوك اللي كانو مستافدين من البزولة.
عبد الصمد حيكر نائب رئيس المجلس البلدي للدار البيضاء كان صرح للصحافة البارح بعد لقاء دار مع ممثلي كازاوا وناس “ليديك” باللي الشركة الفرنسية هي المسؤولة على الفيضانات. وقال ان العقد اللي تبرم مع الدار البيضاء ف1997 واضح. كيعطيها تتكلف بوحدها وما تخلي حتى شي جهة بملف تطهير الشبكة.

كما اكد ان الشركة خاصها تقول للمنتخبين واش عقد التدبير المفوض اللي فيه الماء والضو وتطهير السائل تحترم فكاع فصولو. واش دارو الاستثمارات للقيام بالتجهيزات اللي كتواكب اش وقع فكازا. واشار الى ان كازا معرضة ديما للفيضانات وهاد الشي عارفاه “ليديك”
كما اشار الى ان هاد الفيضانات ما جاتش على غفلة٬ بل كانت نشرة انذارية لمديرية الارصاد الجوية وكان خاص الشركة توجد راسها. كما تحدث ان من مهام الشركة كل صيف تنقي كاع لقوادس وتوجد للشتا

موضوعات أخرى

18/01/2021 18:45

حقيقة الاستقالة الجماعية ف “بي جي دي” سوس.. مصادر لـ”كود”: هادو كانو انقلابيين على رئيس جماعة انزكان ف 2018 وتعاقبو.. والخطير كانو كيدعمو تيار الاستوزار لي انقلب على بنكيران

18/01/2021 18:30

إسرائيل والمغرب كيدرسو إمكانية إعفاء مواطني البلدين من الفيزا و وزير الداخلية الإسرائيلي عرض على لفتيت يزور تل أبيب

18/01/2021 18:10

المغرب و نيجيريا.. مكالمة هاتفية بين بوريطة و وزير الخارجية النيجيري هضرو فيها على ملف الصحرا و دعم الحكم الذاتي – تغريدة