وكالات//

قالت عالمة فضاء بريطانية، أنه كاينين كائنات فضائية ف الكون، ولكنهم مخبيين ف شي بلاصة مازال ما اكتشفناهاش.

دام ماجي أدرين-بوكوك، العالمة ديال الفضاء والمقدمة ديال البرنامج التلفزيوني المشهور “The Sky at Night”، قالت: “ما يمكنش للبشر يكونوا الوحيدين ف هاد الكون الواسع. واللي كيعتقد خلاف هاد الشي، راه غير دليل على الغرور البشري”.

وأضافت لصحيفة “الغارديان” البريطانية: “الاكتشافات العلمية الأخيرة حول الحجم الكبير ديال الكون كاتخلي من المستحيل أننا نكونو بوحدنا”.

ومن بعدما سولوها واش كاتعتقد أن البشر هما الوحيدين ف الكون، جاوبات بثقة: “بالنظر للأرقام والحقائق، الجواب ديالي هو لا، ما يمكنش نكونو بوحدنا. هاد الشي غير غرور بشري اللي كيدفعنا نعتقدو أننا ممكن نكونو الوحيدين”.

وقالت أيضا: “ولكن السؤال اللي باقي بلا جواب هو: فين كاتخبا هاد الكائنات الفضائية، وعلاش ما قدرناش نكتاشفوهم لحد الساعة؟”.