الرئيسية > آش واقع > مستجدات فيروس “كورونا”.. العالم تجاوز مليون و60 ألف إصابة وسجل 65 ألف وفاة.. وميريكان والطاليان وسبانيا فالمقدمة
03/04/2020 18:30 آش واقع

مستجدات فيروس “كورونا”.. العالم تجاوز مليون و60 ألف إصابة وسجل 65 ألف وفاة.. وميريكان والطاليان وسبانيا فالمقدمة

مستجدات فيروس “كورونا”.. العالم تجاوز مليون و60 ألف إصابة وسجل 65 ألف وفاة.. وميريكان والطاليان وسبانيا فالمقدمة

عفراء علوي محمدي- كود//

وصل عدد المصابين بفيروس “كورونا” المستجد فالعالم لمليون و63 ألف و933 إصابة، ومن بينهم بلغو أعداد المتوفين 56 ألف و619، فالوقت اللي تشافاو من الفيروس 225 ألف و622 عبر العالم، وهذشي حسب آخر الأرقام اللي كشف عليها موقع “وورلد ميترز”.

وغير اليوم الجمعة 3 أبريل، تسجلات 48 ألف و868 إصابة جديدة، وتوفاو 3 آلاف و452 واحد عبر العالم.

وكتحتل ميريكان المرتبة الأولى عالميا فعدد الإصابات ب259 ألف و565 إصابة، منهم 14 لألف و688 إصابة جديدة، فالوقت اللي سجلات فيه ميريكان 6 آلاف و594 حالة دالوفاة، منهم 524 وفاة جديدة.

كاتجي الطاليان فالمرتبة الثانية عالمية فعدد الإصابات، وهذشي غير من بعد ما فاتها سبانيا بشي سويعات، اليوم الجمعة نيت، بحيت سجلات الطاليان 119 ألف و827 إصابة، منهم 4585 إصابة جديدة، لكنها كاتحتل المرتبة الأولى عالميا على مستوى الوفاة بالفيروس، بحيت سجلات 14 ألف و681، من ضمنهم 766 توفاو غير اليوم.

سبانيا مامتفوتاش بزاف مع الطاليان، ومن المرجح تسبقها فعدد الإصابات فالأيام الجاية، أو تتساوى معاها، كتحتل سبانيا المركز الثالث، ب117 ألف و710 إصابة، 5 آلاف و645 ألف إصابات جديدة، وفالعدد الوفيات أيضا كتحتل المركز الثالث، ب10 ألف و935، منهم 587 وفاة جديدة.

الشينوا اللي فيها بان الفيروس أول مرة وتفشا فيها، وحتلات لفترة طويلة المقدمة فعدد الإصابات، استطعات تتحكم فالوضع، هي دابا محتلة المرتبة الخامسة من بعد ميريكان والطاليان وسبانيا وألمانيا، ومسجلة فالطوطال 81 ألف و620 إصابة، وثلث آلاف و322 وفاة، لكن الإصابات والوفيات الجديدة ولا قليل بزاف، بحيت اليوم مثلا سجلات غير 31 إصابة جديدة، و4 ديال الوفيات

موضوعات أخرى

01/06/2020 16:00

أزمة كورونا فرصة للمغاربة أنهم يسترجعوا بلادهم ويولي من حقهم يشربو بيرة فلاطيراس أو يمارسو الجنس بلا عقد زواج أو يكميو الحشيش قانوني عوض غير الأجانب لي من حقهم أغلب هادشي

01/06/2020 15:18

الاتحاد الأوروبي معاون المغرب على جائحة “كورونا”.. ها شحال اعطا من مليون درهم لاقتناء معدات صحية لدعم جهود مكافحة الفيروس فلحبسات -تصاور