كود الرباط//

علمت “كود” من مصدر مطلع أن القرارات للي خدا المكتب السياسي لحزب الاصالة والمعاصرة البارح، بطرد برلماني بمجلس النواب ومستشارين برلمانيين، بسبب عدم التزامهم بأداء الواجب المالي للحزب واللي محددة ف 3000 درهم.

وحسب مصدر “كود” فإن من بين المطرودين، واحد كبار الأثرياء فالصحراء، محمد سالم الجماني، من العيون، لللي ثروة ديال فايتا ديال ولد الرشيد والدرهم بجوج، بحيث ان سبب الطرد هو عدم أداء الالتزامات المالية لصالح الحزب.

واحد غني بزاف كيعتبر راسو زعيم كبير وشيخ خاص المكتب السياسي يتعامل معه بتعامل خاص، هادشي غضب قيادات البام.

وفق مصدر “كود” فالبام فإن زمن الزعامة سالا وكولشي خصو يكون بحال بحال ويلتزمو بالواجب التنظيمي، مضيفا :”البام لا يحتاج لزعيم يعتبر راسو مخاص يهضر مع حد”.

ومن مساخيط البام لي تمت تجميد العضوية ديالهم، كل من النائب البرلماني عن دائرة مولاي يعقوب حسن بلمقدم، والمستشار البرلماني العربي هرامي، والمستشار البرلماني محمد مكنيف عن دائرة الشرق، حسب “اليوم 24”.