الرئيسية > آش واقع > مسؤول ف”ليديك” للكزاويين: سمحو لينا على الإزعاج اللي تسببات فيه الفيضانات وراه درنا جهدنا
06/01/2021 13:00 آش واقع

مسؤول ف”ليديك” للكزاويين: سمحو لينا على الإزعاج اللي تسببات فيه الفيضانات وراه درنا جهدنا

مسؤول ف”ليديك” للكزاويين: سمحو لينا على الإزعاج اللي تسببات فيه الفيضانات وراه درنا جهدنا

عفراء علوي محمدي- كود//

قال كمال الكَراكَعي، مدير مساعد بمديرية استغلال الماء والتطهير ب”ليديك”، على هامش الفيضانات البي هزات كازا، أن الشركة كتعتذر للزبناء ديالها والساكنة على الإزعاج الناتج عن التساقطات المطرية القياسية.

وقال الكَراكَعي، فتسجيل صوتي معمم للصحافة، أن هذ التساقطات وصل المتوسط ديالها ل33,7 ميليمتر. بين الساعة 4 دالعشية و9 دالليل، وبلغات أقصى التساقطات 56 ميليمتر، فمجموعة من المناطق.

وفصل الكَراكَعي فالوسائل البشرية والآلية اللي اعتمداتها “ليديك” للحد من اضرار التساقطات المطرية، بحيث كلفات بهذ المهمة 358 عون ضمنهم أطر وعمال التدخلات المختصين في مجال التطهير السائل، بالإضافة ل233 وحدة آلية.

وقال المسؤول فتصريحو أن هذشي تم بمجرد التوصل بنشرة أحوال الطقس من المديرية العامة للأرصاد الجوية.

وسرد الكَراكَعي مشاريع خدامة عليهم الشركة فمجال التطهير السائل لحماية عدد من المناطق اللي كتشهد تدفقات مائية كبيرة، ومنها “مشروع سرداب حي السدري، اللي بلغ الاستثمار ديالو 182 مليون ديال الدرهم، واللي غتنتهي الاشغال ديالو قريبا، وكذا مشروع نظام التطهير السائل بالطريق الوطنية رقم 1 على مستوى ليساسفة، واللي هو مشروع ضخم كتبغ تكلفتو 313,5 مليون درهم واللي غيكون جاهز في متم سنة 2021، بالإضافة لمشاريع كبرى أخرى يتم إنجازها لقوية شبكة التطهير بمجال التراب للتدبير المفوض”، على حد تعبيرو.

موضوعات أخرى

25/01/2021 11:00

حزب بجوج وجوه.. رئيس الحكومة ديالهم مع التطبيع وبرلمان “البي جي دي” ضد توجهات الدولة: كنرفضو صفقة القرن والتطبيع عندو مخاطر على النسيج السياسي والاقتصادب والثقافي فبلادنا

25/01/2021 10:20

التحقيق التفصيلي مع البرلماني ديال “البي بي إس” فالصويرة قريب يتسالا.. جلسة جديدة غادي يديرها معاه قاضي التحقيق وها التهمة ديالو

25/01/2021 10:00

شكون لّي يحاسبو على مئات الملايين من فلوس الشعب؟.. “جهة الشرق” خسرات فلوس صحيحة على عدد من “لِي كْيُوسك” فصفقة ربح فيها بالدرجة الأولى المقاول واللّي جابو و دابا كلشي ضاع و مابقاوش صالحين لوالو واخّا ماعمرهم تفتحو – تصاور وفيديو

25/01/2021 09:30

هاللّي قلنا.. البوليساريو بغات تركب على قرار غلق قنصلية بوروندي فالعيون لأسباب مالية و بدات كتروّج للكذوب بأن السبب هو تغير الموقف من الصحرا المغربية