كود سبور//

يقدر منتخب إيران ما يشاركش فكأس العالم 2026، اللي كاينة الصيف الجاي فميريكان وكندا والمكسيك، بسبب الحرب اللي كاينة دابا عند الإيرانيين مع الميريكان وإسرائيل.

وهضر مهدي تاج رئيس الاتحاد الإيراني لكرة القدم، وقال فتصريح للتلفزيون الإيراني: “مع هذا الهجوم من الميريكان موحال نفكرو فكاس العالم، واخا المسؤولين د الرياضة هما اللي كايقررو”.

وكاتعيش إيران وضع استثنائي وحالة من عدم الاستقرار، من البارح السبت مع الفجر بسبب الحرب مع الميريكان واسرائيل، واللي تسببت فموت عدد من المسؤولين الإيرانيين المهمين، وعلى راسهم المرشد الأعلى الإيراني على خامنئي.