الرئيسية > آش واقع > مسؤولة فالمستشفى الجامعي فمراكش كتوضح ل”كود” حقيقة إخضاع فرنسية للحجر بسبب “كورونا”
27/02/2020 20:30 آش واقع

مسؤولة فالمستشفى الجامعي فمراكش كتوضح ل”كود” حقيقة إخضاع فرنسية للحجر بسبب “كورونا”

مسؤولة فالمستشفى الجامعي فمراكش كتوضح ل”كود” حقيقة إخضاع فرنسية للحجر بسبب “كورونا”

عفراء علوي محمدي- كود//

روينة كبيرة ناضت اليوم الخميس فالمستشفى الجامعي فمراكش، بعدما اشتبه فإصابة سائحة فرنسية بفيروس “كورونا”، وجات خضعات للتحاليل، وتبين بعد هذشي بللي عندها غير نزلة برد عادية.

هذشي اللي أكداتو المكلفة بالتواصل فالمستشفى العسكري فمراكش، جهان قداد، اللي قالت فتصريح ل”كود” بللي السائحة ماعندها والو، وبللي اليوم شدات الطيارة ومشات بحالها لبلادها.

ونفات المكلفة بالتواصل مسألة عزل السائحة الفرنسية، على اعتبار أن الأعراض اللي تصابت بيها “لا تدعو للقلق”، وأكدات بللي “المستشفى الجامعي فمراكش مكانت فيه لحد الساعة حتى حالات مشكوك فحملها للفيروس باش نقومو بإجراء العزل أو الحجر الصحي، والفرنسية من بعد الفحصات مباشرة خرجات من السبيطار، وشدات طيارتها”، على حد قولها.

وكانوا مجموعة من المواقع الإعلامية والصفحات فمواقع التواصل الاجتماعي نشرو خبر خضوع سائحة فرنسية، كانت كتقضي العطلة ديالها فورززات، للحجر الصحي فمستشفى الرازي التابع للمستشفى الجامعي فمراكش، في انتظار تحاليل كورونا اللي دارت وتسافطو لمعهد باستور فكازا، واللي كانوا نتائجهم سلبية.

موضوعات أخرى

10/08/2020 10:00

علاش فشلنا فاللي نجحات فيه نيوزلاندا اللي كورونا ڤيروس: 100 يوم ما بان فيها شي حالة. درنا فالمغرب بحالهم فكلشي وها فين قوداتها علينا حكومة بنعرفة وخرجات على البلاد وولينا ف1200 حالة و18 وفاة فالنهار