گود سبور//

كشف موقع راديو وتلفزيون السنغال، بلي السنغاليين لجؤوا للحلول الديبلوماسية مع المغرب بخصوص الـ18 مشجع اللي تحكم عليهم فالرباط ما بين 3 شهور وعام ابتدائيا واستئنافيا، حيث دارو الشغب ففينال كاس إفريقيا 2025، فتيران مولاي عبد الله بالرباط.

وحسب نفس المصدر، فرئيسة اللجنة الوطنية لحقوق الإنسان بالسنغال، أمساتو سو سيديبي، كثفت جهودها الدبلوماسية فهاد الملف، وتلقات بأمينة بوعياش، رئيسة المجلس الوطني لحقوق الإنسان فالمغرب، واستقبلها حتى سفير المغرب لدى الأمم المتحدة، وقال موقع الراديو والتلفزيون السنغالي، إن الأخير تعهد باطلاع أعلى السلطات المغربية على الوضع.

وطامعين السنغال باش على الأقل يوافق المغرب على ترحيل السنغاليين الـ18 اللي تحكمو بالحبس والغرامة، من المغرب إلى السنغال يكملو العقوبة ديالهم، ولكن هذا الشي راه خاصو يكون بموافقة السلطات المغربية، مع العلم أن هاد الأشخاص بـ18 زائد الفرنسي الجزائري اللي تحكم معهم، دزرت المحاكمة ديالهم فأحسن الظروف وتوفر لهم الدفاع وكل حاجة باش يدافعو على ريوسهم حسب القوانين المعمول بها.