عثمان الشرقي – كود//

شركة Aleees التايوانية، اللي كتختص فتصنيع مواد الكاثود من نوع LFP للباتريات، صاوبات مؤخرا اتفاقية مع تسلا باش تزود مصانعها فأمريكا بهاد المواد.

هاد التعاون كيعطي دفعة لمشروع Aleees فالمغرب، واللي ولى دابا محور اهتمام عالمي حيت المغرب موقعو استراتيجي فصناعة السيارات الكهربائية.

حسب مصادر خاصة، توقيع مذكرة تفاهم بين Aleees والحكومة المغربية جذب اهتمام دول أخرى باغية تستقطب هاد الاستثمار، وخلق منافسة كبيرة بين الدول.

المشروع المغربي كيهذف لدعم صناعة السيارات الكهربائية فالمغرب والمنطقة، وكيبين التزام المغرب بتطوير الطاقة المتجددة والتكنولوجيا.

هاد التعاون بين Aleees وتسلا كيبين التوجه العالمي لتقوية استخدام البطاريات الكهربائية فصناعة السيارات، وكيعزز من موقع المغرب كمركز صناعي فهاد المجال.