كود كازا//
فخطوة جديدة كتعكس دفء العلاقات بين المغرب وإسرائيل، دارت وزيرة النقل الإسرائيلية ميري ريغيف، اللي معروفة بأصلها المغربي، محادثات مع وزير النقل واللوجستيك المغربي عبد الصمد قيوح، باش يرجعو الرحلات الجوية المباشرة بين البلدين.
الاتفاق كيشمل استئناف الرحلات ن كرف شركة الطيران الإسرائيلية “إلعال”، اللي كانت توقفت لأكثر من عام بسبب الحرب فـقطاع غزة.
وحسب مصادر إعلامية، هاد الخطوة غادي يكون عندها أثر إيجابي فتنشيط السياحة والتبادل التجاري بين المغرب وإسرائيل، خصوصاً وأن فإسرائيل كاين حوالي مليون يهودي من أصل مغربي، والمغرب فعام 2022 قرابة 200 ألف سائح إسرائيلي.
المراقبين كيشوفو أن رجوع الرحلات غادي يفتح الباب قدّام فرص اقتصادية وسياحية جديدة، وكيأكد الرغبة ديال الجانبين فتعزيز التعاون بعد فترة توقف طويلة.
