كود الرباط//

قال رياض مزور، وزير الصناعة والتجارة، بأن الصناعة المغربية فيها 13 ألف شركة منتجة، لي مسجل فيها مليون و100 ألف أجير أساسها 260 ألف أجير في صناعة السيارات، و230 ألف مسجلين يشتعلون في النسيج، والباقي تفرق بين الصناعة الغذائية وصناعة مواد البناء الخ.

وأوضح مزور، اليوم الثلاثاء، في جلسة الأسئلة الشفوية بمجلس المستشارين،  رقم معاملات الصناعة المغربية هو 850 مليار درهم، أما القيمة المضافة لي كتخرج منها هي 250 مليار درهم.

وشدد الوزير بأن هناك توجه ملكي نحو السيادة، والاستجابة لحاجيات المواطنين بأثمنة مناسبة، لذلك تم وضع  بنك المشاريع لي عطا 1900 مشروع تشتغل اليوم أو في طور الإنجاز.

هاد بنك المشاريع وفق الوزير، فيه 100 مليار درهم ديال الاستثمارات، خصها من عامين لـ3 سنوات باش توجد، وخصها من 3 و5 سنين باش تنضج، ستغطي 98 مليار درهم ديال الواردات، ولكن هاد 98 مليار درهم كتفرض تستورد منتوجات باش تنتج. أي تقريبا 30 مليار درهم صافية ديال الواردات.

وحسب الوزير، غاتزاد 100 مليار درهم من الصادرات اي تقريبا 200 مليار درهم أي 50 مليار درهم من الصافي ديال التجارة الخارجية.