گود سبور//

موحال يكون الدولي المغربي نصير مزراوي لاعب مانشستر يونايتد النگليزي، تاني فالماتشات الجايين ديال المنتخب الوطني المغربي خلال التوقف الدولي فشهر أكتوبر المقبل، وغالبا غادي يغيب كيفما غاب على آخر 2 توقفات دوليين للأسود.

اليوم الجمعة، أعلن البرتغالي روبن اموريم مدرب مانشستر يونايتد، على غياب 4 ديال اللاعبين على الفريق ضد برينتفورد غدا السبت ضمن منافسات بطولة النگليز، بسبب الاصابة.

وبخصوص اصابة نصير مزراوي، فقال مدرب مانشستر يونايتد، ان اللاعب ما غاديش يكون فالتشكيلة ديال الفريق حتى التوقف الدولي المقبل فشهر اكتوبر الجاي.

وغايلعب المنتخب الوطني المغربي ضد كل من البحرين يوم 9 اكتوبر ماتش اميكال، ومن وراها ضد منتخب الكونگو ضمن الجولة الأخيرة من اقصائيات كاس العالم 2026، مع العلم ان مزراوي من التوقف ديال شهر مارس الماضي وهو غايب على المنتخب المغربي بسبب الاصابة المتكررة.