كود سبور//

أكد الدولي المغربي نصير مزراوي، أن العملية الجراحية اللي كان دار قبل أشهر ما كانش عندها شي خطورة عليه، وأنه دابا بخير وكايحاول يخرج هو والفريق ديالو مانشستر يونايتد النگليزي من الموسم الصعيب اللي دوزوه، ويربحو لقب اليوروبا ليگ.

وفتصريح للصحافة استعدادا للفينال د اليوريا ليگ بين مانشستر يونايتد وتوتنهام، وضح نصير مزراوي بخصوص عملية القلب اللي كان دار وقال بلي داز عليها وقت طويل وبلي كلشي مزيان دابا وأنه ما كانتش شي حاجة خطيرة.

وبخصوص الوضع ديال مانشستر يونايتد اللي كايدوز فيه النجم المغربي أول موسم له، وضح وقال أنه كايتألم بسبب حالة الفريق فبطولة النگليز هذا الموسم، وقال إنه جا من أندية ما كانش مولف فيها الخسران وأنه عمرو ما غايولف على الخسران فينما لعب وحتى فمانشستر يونايتد.

وكايوجد الظهير الأيمن المغربي نصير مزراوي مع الفريق ديالو مانشستر يونايتد النگليزي لمواجهة المواطن ديال الأخير توتنهام فالفينال ديال يوروبا ليگ، وهي فرصة لهم باش يرجعو لقمة الكورة الأوروبية، ولو من خلال المسابقة الثانية فأوروبا من ناحية الأهمية.