كود سبور//

باغي الدولي المغربي نصير مزراوي لاعب بايرن ميونخ الألماني، يمشي لمانشستر يونايتد النگليري وهاذ الشي بعدما فشلت صفقة الانتقال ديالو إلى ويستهام النگليزي.

وكشف الإعلامي الطالياني فابريسيو رومانو المتخصص فانتقالات اللاعبين فأوروبا، وقال فتدوينة على فيسبوك ديالو إن نصير مزراوي باغي يمشي يلعب فمانشستر يونايتد وكايتسنا فيهم، وأن وكيلة الأعمال ديالو رافاييلا بيمينتا كاتفاوضو مع الفريق النگليزي على قبلو وعلى قبل الهولندي ماتياس دي ليخت.

وحسب نفس المصدر فمدافع مانشستر يونايتد أرون فان بيساكا هو اللي كايتحكم فمصير انتقال نصير مزراوي إلى الفريق النگليري، حيث وفحالة الانتقال ديالو إلى أنتر ميلان الطالياني فصفقة تبادلية مع الهولندي دينزل دومفريس ما غايمشي مزراوي للمان.