الرئيسية > تبركيك > مزال كيطيحو واحد بواحد.. الحراكَة اللي سلتو من مطار مايوركا شدو فيهم 3 آخرين وبقاو 6 
24/11/2021 18:00 تبركيك

مزال كيطيحو واحد بواحد.. الحراكَة اللي سلتو من مطار مايوركا شدو فيهم 3 آخرين وبقاو 6 

مزال كيطيحو واحد بواحد.. الحراكَة اللي سلتو من مطار مايوركا شدو فيهم 3 آخرين وبقاو 6 

كريم الشركي – كود //

أعلنت السلطات الأمنية في جزيرة مايوركا الإسبانية، اليوم الأربعاء، عن توقيفها لـ3 حراكَة آخرين من المجموعة ديال 25 شخص اللي كانو هربو نهار 5 نوفمبر من طيارة كانت ماشية لتركيا ونزلات اضطراريا فمطار مايوركا باش يعتقو راكب ادعى أنه جاتو كريز ديال السكري.

لاكَوارديا سيفيل والبوليس علنوا أنهم شدو 3 ديال الحراكَة من هاد المجموعة، واللي باقين مازالين هاربين هوما 6 وصافي، وهاد الثلاثة اللي تعتاقلو أعمارهم كتتراوح بين 26 و 33 و 35 عام.

وبالإضافة إلى هاد الثلاثة تشدو جوج مغاربة آخرين فالثلاثينات من عمرهم، كانوا كيعاونو هاد الهاربين.

ولحد الساعة تمكنو الصبليون من اعتقال 19 لواحد من الحراكَة اللي هربو من المطار المذكور، منهم المريض الوهمي بالسكري اللي بسبابو نزلات الطيارة فمايوركا.

https://okdiario.com/baleares/detienen-otros-tres-marroquies-que-fugaron-avion-palma-pasado-5-novie

موضوعات أخرى