الرئيسية > تبركيك > مزاد علني جديد فميريكان غادي يعرض مقتنيات أشهر زعماء المافيا للبيع
19/08/2022 00:00 تبركيك

مزاد علني جديد فميريكان غادي يعرض مقتنيات أشهر زعماء المافيا للبيع

مزاد علني جديد فميريكان غادي يعرض مقتنيات أشهر زعماء المافيا للبيع

وكالات //

قال جورنال “The Times” البريطاني بللي كاين مزاد علني غادي يتنظم فولاية كاليفورنيا الميريكانية، غادي يعرضو فيه أشهر مقتنيات زعماء الجريمة والمافيا فتاريخ ميريكان للبيع، منها رسائل “آل كابوني” اللي غادي فيها بالتفصيل المدة اللي دوز فحبس “آلكاتراز”، واللي طالبين فيها ثمن أولي هو 48 ألف دولار.

ومن الحاجات أيضا اللي غتكون معروضة للبيع فنفس المزاد، كاين خاتم على شكل نجمة داود، مرصَع بالألماس والذهب، عيار 14 كارا، كان ديال ميكي كوهين، البوكسور الميريكاني ورجل العصابات الشهير فمدينة لوس أنجلوس.

وغتباع أيضا مقتنيات أخرى كانت معروضة ف”بانوراما تاريخ العصابات فلاس فيكَاس” اللي أسسها الملياردير الميريكاني جاي بلوم، واللي غادي تكون فيها ديسكات الأفلام المنزلية ديال أنطوني سبيلوترو اللي كون عصابة “Hole in the Wall”.

وبمبلغ غادي يبدا من 72 ألف دولار غيتعرض فالمزاد المذكور 4 ديال الدفاتر فيهم ملاحظات كتعاود قصة كونطابل العصابات الشهير، ماير لانسكي، اللي كاتبها بخط يديه.

وغيكون معروض أيضا “وسام الحرية” اللي خداه لانسكي من الرئاسة الميريكانية بعد مشاركتو ف”عملية هاسكي” (معركة غزو صقلية) العسكرية فالحرب العالمية الثانية، واللي غيبدا المزاد بمبلغ 60 ألف دولار أمريكي.

موضوعات أخرى

06/10/2022 21:30

طنجة كتوجد باش تبدا مشروع تحلية الما ديال البحر فمواجهة الخصاص الخطير فالما الصالح للشرب