كود كازا ////
خلال افتتاح المنتدى المغربي البرتغالي البارح الثلاثاء السيدة تلفات وتعكلات ليها الهدرة ففمها. ثلاثة المرات وهي تبغي تقول “البرتغال” كتخرج ليها “البرتقال”. قالت فالاول “ارباب الاعمال والمستثمرين البرتقاليين” وعاودت “مستثمرين برتقاليين” وباش بغات تخرج من هاد التخربيقة ضحكات وقالت “مع الصباح خاصني شوية الليمون” “حتى بغيت نقول الغا وقلت القا”.
قوداتها اكثر باش بغات دير شوية السخرية واضافت “والنيت من المواد اللي كيصنعو عندهم البرتقال ولكن ديالنا خيار سيرتو لاكليمونتين بيركانيز =كليمانتيت ديال بركان اللي منها تنحذر بنصالح. يا لالة مريم وتي قادي فمك راه ماشي كيصنعو كينتجو وانتي فالباطرونا كاين فرق كبير بين التصنيع والانتاج.
تزاد على هاد الشي تخربيقة كبيرة دارها ابن عرفة وحشومة دار. باش كانت معاه بجوجهم كالسين ونسى هاداك بنعرفة الحرب لكبيرة اللي قادتها باش ما يجيش حزبو الاول٬ تحطات قرعة ديال سيدي علي اللي ديال مريم بنصالح. هاد الشي ما كيدارش كون كان عندو ناس كيفهمو فالتواصل وحرايفية. كلشي عندها هواية وبنصالح المستفيذ من هاد الهواية
المهم بنصالح كانت برتقالية وصافي