وكالات//

الممثلة التركية مريم أوزرلي هاد لعام دارت البوز، وختاروها كأجمل ممثلة، وتشهرات بالدور للي دارت ديال “السلطانة هيام” فالعمل الدرامي الضخم “حريم السلطان”، ومن تم الناس فالعالم كامل وللاو كيحماقو عليها.

هاد الممثلة زينها بوحدو وعندها موهبة استثنائية، وحلفات حتا تحقق الحلم ديالها فالعالم ديال التمثيل، وملي بدات مسيرتها الفنية والنقاد والجمهور كيقدروها.

تميزات مريم ملي بدات التمثيل بالجمال ديالها الناعم وملامحها الأنيقة والطبيعية، وهادشي خلا موقع “Statistics Feed” العالمي يديرها فلائحة أجمل الممثلات، حيت دارت أدوار مختلفة وحيدات شخصيات متنوعة ببراعة وإتقان.