الرئيسية > تبركيك > مريكان وقفات دعم جامعة الأخوين بسبب شكاوى التحرش الجنسي.. والإدراة رفضات ترد ومصدر لـ”كود”: الدعم توقف وايميل القنصلية الامريكية داير القلق للإدارة
07/06/2021 11:00 تبركيك

مريكان وقفات دعم جامعة الأخوين بسبب شكاوى التحرش الجنسي.. والإدراة رفضات ترد ومصدر لـ”كود”: الدعم توقف وايميل القنصلية الامريكية داير القلق للإدارة

مريكان وقفات دعم جامعة الأخوين بسبب شكاوى التحرش الجنسي.. والإدراة رفضات ترد ومصدر لـ”كود”: الدعم توقف وايميل القنصلية الامريكية داير القلق للإدارة

كود الرباط//

ايميل ديال القنصلية الامريكية فكازا دار روينة ف إدارة جامعة الأخوين، خصوصا وأنه كتقول فيه بلي وقفات الدعم المالي لجامعة الأخوين بسبب فشل الأخيرة فمعالجة شكاوى تتعلق بالتحرش الجنسي وسط الجامعة.

مصدر فـ”إدارة الجامعة” قال لـ”كود” :”بلي مكاينش علاقة بين وقف الدعم الأمريكي وبين الاتهامات اللي توجهات للجامعة بهدف تشويه سمعتها”.

نفس المصدر عطا لـ”كود” رقم مسؤول التواصل فالجامعة، لكن ظل هاتف الأخير يرن بدون جواب.

مسؤول آخر بالجامعة رفض الرد على استفسارات “كود”، مؤكدا أن “الايميل ديال قنصلية امريكا على جامعة الأخوين تنشر على أوسع نطاق”.

استاذ كان يشتغل فالجامعة سابقا سميتو آرون اشبي Aaron Ashby نشر بوسط فيه ايميل ديال قنصلية ميريكان فكازا تقول انهم اوقفو دعمهم لجامعة الاخوين بسبب فشلها في معالجة شكاوي تتعلق بالتحرش ضد الطلبة والاساتذة.

ويقول ايميل القنصلية ان وزارة الخارجية الامريكية اوقفت دعمها للجامعة بعد تقارير حول عدم تجاوب الجامعة بالشكل المطلوب مع شكاوي تعلق بالتحرش الجنسي كان ضحيتها اساتذة وطلبة كذلك وقال الايميل ان الجامعة وعدت بالنظر في هذا الموضوع.

واضافت القنصلية ان عودة الدعم مرهون بمدى تجاوب الجامعة مع شكاوي التحرش.

يشار إلى أن امريكا فعهد الرئيس السابق اوباما كانت عاطيا اهمية كبيرة لحقوق الأقليات الجنسية والمثلية، ودبا مع بايدن بدا الاهتمام كيرجع لهاد القضايا.

في مقال مقبل غانشرو تفاصيل إضافية حول هاد القضية ديال التحرش الجنسي بالجامعة.

https://www.facebook.com/100010157149024/posts/1456770221338202/?d=n

موضوعات أخرى