كود الرباط//

تقاطرت شكايات، مجددا على مكتب شركة “إيجل هيل” الإماراتية المالكة لمشاريع سكنية من النوع الرفيع، خصوصا في قلب دار السلام بالرباط، بسبب احترام الشروط التي تم التفاهم عليها بين الزبناء والشركة.

الشركة التي تعاقدت مع زبناء منذ أكثر من خمس سنوات، تأخرت عن تسليم الشقق في وقتها علما أن سنة التسليم كانت مقررة في 2022، أي عامين من من التأخر.

فموقع الشركة كنقراو :”وقع اختيار شركة “إيجل هيلز”، الشركة الاستثمارية الخاصة للتطوير العقاري الكائن مقرها في أبوظبي، على شركة “أ إم بى EMB ”   لتشييد “أورا الرباط سكوير”، الشطر الثاني من مشروع “الرباط سكوير”.  و سيضم 13 إقامة سكنية عصرية تشمل 182 شقة بخيارات متعددة، تضم ما بين غرفة إلى 4 غرف، على أن يتم إكمال عملية بناء هذا المشروع المتميز خلال شهر غشت 2022.

هادشي قالو غايسالي ف غشت 2022، لكن لحد الان متسلموش ديورهم، وفق زبناء لـ”كود”. واللي صدمهم كثر هو ان الشطر الاول كان مزيان ولكن الشطر الثاني متمشاش مزيان.

ماشي غير التأخر لي حاصل فهاد المشروع، من طرف الشركة للي سبق جرات على جوج مديرين مغاربة فـ”شركة إم بي” للي تعاقدت معها الشركة الاماراتية باش تنجز المشروع ديال الشطر الثاني اورال رباط سكوير، يقول زبون شرات فهاد المشروع لـ”كود” :”بل كاينا مشاكل على مستوى “الفينيسيون” اي المنتوج النهائي ماشي مطابق للمنتوج لي عرضو على الزبون نهار فاش تعاقد معهم”.

المواصفات ديال الشقة النموذجية قبل توقيع الوعد بالبيع، غير متطابقة مع الشقة الحالية، هتا عدد من الزبناء حسو بلي تمشتو ومنهم لي مشاو وشكاو للشركة للي طبعا كيعطيوهم جواه “هادشي لي عطا الله”.

وحسب بعض الزبناء لـ”كود”، فإن ثمنة شقفة مساحتها 100 متر مربع لا تقل عن 300 مليون سنتيم، أي 3 مليون درهم، ورغم أن اغلبية الزبناء خلصو جميع المستحقات علي متفق عليها، منهم المساهمة للي كيخلصو شهريا واللي كتوصل احيانا لما يفوق 10 مليون سنتيم شهريا.