كود الرباط//

اول ضحايا توزيع الحقائب داخل البرلمان والتشكيلة الحكومية المرتقبة، مروان اشباعتو، للي ضحا بتاريخ باه وخوا بحزب الاحرار للي كان دارو عضو المكتب السياسي، ومشا للبام، خرج اكبر الخسائرين ف توزيع كعكة المناصب سواء داخل البرلمان او الحكومة.

حسب مصادر “گود”، ولد سعيد اشباعتو للي كان واعدو يكون وزير فهاد الحكومة، جاب الربحة، خصوصا وانه معندوش شروط لي بغات رئيسة الحكومة منها يكون عندو رصيد سياسي ونضالي ويكون رجل التواصل بامتياز.

مروان اشباعتو، معروف بالبكائيات، كان كيتشكى من عدم اعطاءو اي منصب باسم الأحرار داخل تركيبة مجلس النواب وحتى الاستوزار فضلو السعدي لحسن عليه.
حسب معطيات گود، اشباعتو لا يستحق اي منصب وهو عارف علاش ماداروهش الأحرار ف اي رئاسة ديال اللجنة او يقترحوه للاستوزار، نفس الشيء مع المنصوري، ماشي البروفايل لي كتقلب عليه حيث لا يكفي ان تكون خريجة شي مدرسة معروفة ف فرنسا انك تاخد منصب وزاري.

اشباعتو كان من ضمن عدد من البرلمانيين لي دغيا هربو للبام بحثا عن المناصب.