وكالات//

منوضا واحد العدوى د البكتيريا نادرة روينا كبيرة ف الجابون بعدما نتاشرات بشكل كبير بزاف، وخلعات الناس، ودابا السلطات ديال البلاد عايشة حالة الاستنفار باش تعرف منين جات.

على حساب ماقالت الصحافة الجابونية فإن الخطير فهاد العدوى أنها كتنتاشر بسرعة كبيرة وتقدر ايلا جاتك قاسحة تقتلك كاع.

هاد العدوى سميتها “المكورات العقدية” وكتقول الدراسات أنها جات هاد العام قاسحة بزاف، وتقدر تضرب أرقام قياسية ديال البشرهاد العام، أكثر من الأعوام لي فاتو.

دابا المعهد ديال البيولوجيا الجابوني كيقول أنه مزال ماعرفش بالضبط الأسباب لي كتخلي هاد العدوى تنتاشر بهاد السرعة، ولكن كيقول أن الخوف الكبير هو الانتشار ديالها وسط الناس الكبار في العمر ولي المناعة ديالهم مكتقدش عليه.