وكالات//

حذرو الخبراء ديال الصحة في ميريكان من الانتشار ديال واحد المرض جديد، كيقولو أنه كينتاشر بين القنادس ولكن ممكن جدا أنه يأذي الإنسان ويتسبب ليه فالموت.

هاد المرض، سميتو “تولاريميا”، ولا سخانة الأرانب وسخانة ذبابة الغزلان كذلك، ويمكن ليه يتسبب في بزاف ديال الأعراض من بينها التقرحات والتهابات الغدد ومشاكل في التنفس.

وتصدمو هاد الخبراء فين لقاو 9 ديال القنادس ميتين فمرة واحدة في ولاية يوتا الميريكانية، مع العلم أن آخر مرة مات فيها شي قندس بهاد المرض كترجع لعام 2017.