وكالات//

لقا روبيرت كينيدي جونيور، واحد من المرشحين الرئاسيين في ميريكان، راسو وسط فضيحة تقدر تضر بيه وعلى الشعبية ديالو في ميريكان.

السبب ديال هاد القضة هو واحد التصويرة بان فيها وهو كياكل كلب مشوي.

لي نشر الصورة ديالو وهو كياكل كلب مشوي، هي مجلة Vanity Fair لي قالت إن التصويرة دارها عام 2010 في كوريا الجنوبية.

ولكن كينيدي خرج لقناة فوكس نيوز وقال أنه كان كياكل فديك التصويرة معزة في الأرجنتين.

غير هو المشكل أن المجلة الميريكانية جابت رأي ديال طبيب بيطري ولي أكد أن الهيكل العظمي ديال داكشي لي كان كياكل ديال كلب وماشي معزة.