الرئيسية > ميديا وثقافة > مرة اخرى: رشيد الصباحي رئيسا لنادي الصحافة. ها اولوياتو كيف قدمها ل”كود”
11/04/2021 14:45 ميديا وثقافة

مرة اخرى: رشيد الصباحي رئيسا لنادي الصحافة. ها اولوياتو كيف قدمها ل”كود”

مرة اخرى: رشيد الصباحي رئيسا لنادي الصحافة. ها اولوياتو كيف قدمها ل”كود”

كود الرباط ///

تنتاخب يوم أمس السبت الاعلامي المعروف رشيد الصباحي، رئيسا لنادي الصحافة بالمغرب للمرة الثانية على التوالي ، من بعد ما تم التصويت عليه من طرف 13 عضوا امام المنافسة ديالو مليكة حاتم لي صوت عليها 6 ديال الاعضاء فالجمع العام العادي ديال النادي.

وقال الصباحي في تصريح خاص ب”كود”، انو سعيد باعادة الانتخاب ديالو على رأس النادي لي كيتعتبر احد الهيئات المهمة اللي كتضمن المساهمة في النقاش الجاد لتطوير القطاع .

واكد الصباحي ل”كود” ان الجمع تبدل فيه القانون الاساسي واعادة الهيكلة ديال المكتب، قبل مناقشة مجموعة ديال المواضيع الللي كتهم الصحافة، والاكراهات اللي كيعيشها، وهادشي من خلال نقاشات ساخنة.

وزاد الرئيس ديال نادي الصحافة ل”كود” انو جمعية الهدف منها التواصل بين المهنيين والمساهمة في الحوار العمومي وماشي بديل لاي هيئة مهنية او نقابة، وانو كيهدف اساسا لرفع مستوى ديالو باش يحاكي اندية بحالو في كبريات الدول.

وقال الصباحي انو عازم على اعادة النادي للمجد ديالو كفضاء للصحافيين والمثقفين في اطار اعلامي كيطور الحوار العمومي بعيدا عن التقاطبات والاختلافات النقابية والسياسية.

موضوعات أخرى