وكالات//

نشرت ميشيل أوباما، السيدة الأولى السابقة ديال ميريكان، تصويرة كتجمعها مع راجلها باراك وبناتهم ساشا وماليا، باش يحتافلو بعيد ميلاد ساشا الـ24، فحسابها الرسمي فـ”إنستغرام”.

بعض الناس فسرو هاد الخطوة بحال رد غير مباشر على الشائعات اللي كيتعاودو بزاف، واللي كيقولو أنه كاين مشاكل بينها وبين الرئيس السابق باراك أوباما.

فالصورة، العائلة باينة فرحانة وكضحك فجو زوين، وكتبات ميشيل فالتعليق: “عيد ميلاد سعيد يا حبيبتي ساشا! ماكنتيقش كيفاش داز الوقت. أنا فخورة بزاف بالمرأة اللي ولاتي عليها. كنحبك ديما!”، ورفقات التعليق برموز ديال الحب والاحتفال.

هاد التدوينة جات فوسط الهضرة اللي كاتروج على أن العلاقة بين ميشيل وباراك فيها توتر، خصوصا من بعد ما ما حضرتش معاه فبعض المناسبات الرسمية، بحال جنازة الرئيس السابق جيمي كارتر، وتنصيب دونالد ترامب، اللي مشى ليهم بوحدو.

ولكن ميشيل نْفَات هاد الكلام كامل فواحد البودكاست سميتو “مذكرات رئيس تنفيذي” اللي تبث فـ30 أبريل، وقالت إن علاقتها مع باراك مبنية على الوضوح والثقة. وزادت: “إلى كنت كنعاني من شي مشكل، راه غادي يعرفو الجميع. أنا ماشي ضحية، وغادي نهضر علانية إلى كان شي حاجة تستاهل”.