وكالات//

كتواجه ستارباكس جوج دعاوي قضائيين جداد من زبناء كيقولو أنهم تعرّضو لحروق بسبب مشروبات سخونة طاحت عليهم، بعدما دازت غير جوج سيمانات من ما تحكمت عليها سلسلة المقاهي الأمريكية بغرامة ديال 50 مليون دولار فواحد القضية مشابهة.

سابرينا ميشيل هيرميس، فواحدة من هاد الدعاوي، قالت إنها تعرّضات لإصابات خطيرة من عامين بعدما طاح عليها مشروب سخون فخدمة “الاستلام من السيارة” فواحد الفرع ديال “ستارباكس” فمدينة نورووك.

ووضحات أنها لاحظت أن واحد من الأكواب فطلبيتها ما كانش مثبت مزيان على حاملة الكيسان وقت تسليم الطلب، وبالتالي طاح عليها المشروب السخون على فخاضخها ويديها وركبتها ورجليها.

هيرميس طالبت فالدعوى ديالها بتعويضات عن الضرر اللي تعرضت ليه، ولكن ما حدداتش القيمة ديال هاذ التعويضات.