وكالات//

بانت متهمة جديدة رفعات دعوى قضائية اخرى ضد الرابور الميريكاني شون ديدي كومبس، وحتى هاد المرة بتهمة الاغتصاب والاعتداء الجنسي.

على حساب مقال جورنال “ذا ميرور” البريطاني، فهاد السيدة كتخدم كجليسة ديال الأطفال، وقالت ان شون ديدي كان ديما كيتبعها وكيتحرش بيها وكيقتارح عليها انه يوصلها للدار.

وقالت انه بعدما رفضاتو بزاف ديال المرات، خلاها الإصرار ديالو انها توافق واحد المرة، وداها للدار وعطاها شي مشروب مهدئ، ومن بعد تعدى عليها هو وجوج ديال الناس، على حساب ماقالت.

ومن المنتظر أن ديدي غادي يتعرض على المحكمة نهار 5 فشهر ماي الجاي، وكيواجه بزاف ديال التهم لي عندها علاقة بالاتجار بالشر والاغتصاب والتحرش الجنسي.