كود – كازا ///

قالت وسائل إعلام فرنسية، إن مراهق فرنساوي من أًصل مغربي انتاحر بعد ما خرج اللي تكرفس عليه جنسيا من الحبس. هاذ المراهق كيبلغ من العمر 17 عام، ويعود تاريخ وقائع الاعتداء عليه مني كان ف عمرو 12 عام.

وحسب المصادر ذاتها، وقعات هاذ المأساة ف هوت سافر ف شرق فرنسا. المعتدي كيبلغ من العمر 58 عام وكان جار للعائلة وتطلق سراحو ف فبراير الفايت، بعد ما دوز عامين ونص من أصل عقوبة حبسية مدتها 5 سنين.

وف تصريحات لوسائل الإعلام، قالت أم الضحية: “ما يمكنش يتطلق سراح معتدي جنسي ويمشي يسكن حدا الضحية ديالو”. واختار الضحية ينتاحر بعد ما عرف الخبر ونشرف الإنستغرام ديالو: “معرفة أن الرجل الذي أخذ ثلاث سنوات من حياتي أصبح حراً على بعد أقل من 3 كيلومترات من منزلي أمر مثير للاشمئزاز بالنسبة لي”.