وكالات//

تفاجْئو بعض الإسرائيليين فالقدس الغربية ملي لقاو سارة نتنياهو، مراة رئيس الحكومة بنيامين نتنياهو، معاهم فالمخبأ؛ بحيث دخلات كَتجري مع الحُرّاس ديالها من الشاباك، بعدما فاجأتها الصواريخ الإيرانية وهي فواحد المركز ديال التجميل قريب، حسب ما قال موقع “واللا” العبري.

هاد الواقعة كانت الاحد، ولكن الإعلام العبري ما هضرش عليها حتى البارح، بعدما ولات كتدور فمواقع التواصل الاجتماعي، ومرفقة بصور كيبان فيها وجه سارة بلا ماكياج.

والموقع قال إن سارة كتزُور بزاف صالونات التجميل المعروفة فتل أبيب، رغم أنها عندها فريق خاص كيهتم بجمالها، وكيتخلص من ميزانية رئاسة الحكومة.

وفاش كانت فالمخبأ، كانت جالسة فوق كرسي بلاستيكي، وكتدوي مع السكان ديال العمارة.