وكالات//

تحولات مرات رئيس الوزراء الإسرائيلي بنيامين نتنياهو، لي سميتها سارة نتنياهو لمسخرة حقيقية، بعدما حصلوها الناس ديال السوشل ميديا وهي دايرة لفوتوشوب لصورة ديالها.

ونشرات سارة واحد الصورة على الكونط ديالها على “إكس” مع راجلها وهي كتبان بنت صغيرة بزاف.

وهو شي لي خلا بزاف ديال الناس تشك في أنها حقيقية، ومن بعد لقاو أنها معدلة بالفوتوشوب باش تبان صغيرة.

وحينت الناس ديال مواقع التواصل ماشي من العاكزين، مشاو جبدو ليها الصورة الحقيقية، وبداو كيقارنو بيناتهم، وتحولات لمسخرة حقيقية.

هادشي كيجي ف الوقت لي الأغلبية ديال الإسرائيليين ساخطين بزاف على نتنياهو وعائلتو الصغيرة، حينت مراتو دارت البوز فين دار ليها راجلها صالون ديال التجميل في الدار، وولدو لي كيتبرع مع راسو في ميامي في الوقت لي إسرائيل فيها الحرب.