كود الصويرة //
كوثر مرات نبيل بنعبد الله الامين العام لحزب التقدم والاشتراكية كانت مع راجلها معروضة لمهرجان كناوة بالصويرة اللي اختتم ول البارح السبت. ما معروفاش الصفة اللي معروضة عليها بحال شي الشامي احمد ديال المجلس الاقتصادي والاجتماعي واحمد رحو ديال مجلس المنافسة والبشير الرشيدي رئيس اللجنة الوطنية للنزاهة والوقاية من الرشوة وعمر فرج اللي كان فالضرائب والاملاك المخزنية وباطرونات وملايرية….

غير هي كوثر ما كانتش غير مضامنة بالكوفية فالعنق مع غزة بحال عدد من البورجوازيين اللي كانو فالصويرة٬ بل كانت كتفرق الكوفيات. هاد التضامن الغبي دايراه فبلاد كلها متضامنة فغزة من الفوق للتحت. هاد الشي بان فسهرة الفلسطيني “سان لوڤون” اللي هان الدرابو المغربي.

لالة كوثر اللي كضارب مع شي عيالات ومنوضاها مع بزاف٬ كانت دايرة تضامن “شوفوني” وصافي. حزب راجلها عندو موقف واضح وعبر عليه فبياناتو ولكن هي ماشي بتوزيع الكوفيات على المعروضات والمعروضين “ڤي اي بي”.