كود – وكالات //

عرف مسرح دولبي فمدينة هوليوود عرض خاص ديال فيلم “Michael”، اللي كيهضر على حياة نجم البوب الراحل مايكل جاكسون، وسط حضور قوي ديال نجوم الفن والسينما وأفراد من عائلة جاكسون.

ومن الحضور لي لفت الانتباه كانت ”مادي فيلاسكيز“، مرات جيرمين جاكسون، اللي اختارت تلبس قفطان مغربي تقليدي، مزوق بتطريزات مغربية، وهاد الشي خلاها تكون محط اهتمام المصورين ووسائل الإعلام، وبيّن الحضور ديال اللباس المغربي فمحفل فني عالمي.

مادي حضرات مع راجلها جيرمين جاكسون فالسجادة الحمرا، باش يدعمو ولدهم جعفر جاكسون، اللي كيلعب دور عمو مايكل جاكسون فالفيلم، باس ييعكس شخصية فنية كبيرة فالتاريخ ديال الموسيقى العالمية.

اللقاء حتى هو ولى مناسبة عائلية، حيث حضرو عدد من أفراد عائلة جاكسون، من بينهم ولد جيرمين ومادي، أبو بكر خليفة جاكسون، فجو ديال الدعم والتشجيع قبل عرض الفيلم.

هاد الفيلم كيتنتج من طرف Lionsgate، وكيتصنف ضمن الأعمال اللي غادي تقدم سيرة ومسار مايكل جاكسون، وسط ترقب كبير من الجمهور والمعجبين ديالو.