الرئيسية > ميديا وثقافة > مرات الريسوني: كنت قريبة لآدم وعاونتو يكتب رسالة باش يطلب اللجوء غير من بعد ايام على واقعة الاغتصاب المزعومة.. وواش اللي دعا واليديه قدام المنتظم الدولي يحير فسليمان؟
12/04/2021 14:00 ميديا وثقافة

مرات الريسوني: كنت قريبة لآدم وعاونتو يكتب رسالة باش يطلب اللجوء غير من بعد ايام على واقعة الاغتصاب المزعومة.. وواش اللي دعا واليديه قدام المنتظم الدولي يحير فسليمان؟

مرات الريسوني: كنت قريبة لآدم وعاونتو يكتب رسالة باش يطلب اللجوء غير من بعد ايام على واقعة الاغتصاب المزعومة.. وواش اللي دعا واليديه قدام المنتظم الدولي يحير فسليمان؟

كود كازا//

قالت خلود المختاري، مرات سليمان الريسوني، انها كانت على علاقة طيبة مع المشتكي بزوجها “آدم”، حتى بعد واقعة اغتصابو المزعومة، بحيث كانت عاوناتو يكتب رسالة لمنظمة العفو الدولية باش ياخد اللجوء بسبب التوجه الجنسي ديالو.

وكشفات المختاري، فندوة صحفية حول آخر مستجدات ملفي اعتقال الصحافيين سليمان الريسوني وعمر الراضي، من تنظيم دفاعهم وعائلتهم، اليوم الاثنين، أن “آدم” من خلال رسالتو، قال أمور مامايناش على عائلتو، من قبيل باه ضربو بالعصا دالكراطة من بعد ما عرف ميولو الجنسي، وعائلتو متشددين بزاف وإسلاميين، وممكن يقتلوه.

وتساءلات المختاري فهذ الإطار: “واش اللي دعى واليديه قدام المنتظم الدولي بهذ الطريقة يحير فسليمان الريسوني؟”.

وزادت كتساءل المختاري كيفاش آدم تعرض للاغتصاب من الريسوني بالطريقة اللي قال، لكن فالمقابل مازال كيهضر معها هي اللي مرات “المغتصب ديالو”، وكيطلبها تعاونو فالرسالة، اللي كتقول انها ترجماتها وسيفطاتها، بالإضافة لانها عاوناتو فحوايج خرى.

وكشفات خلود أن حالة الريسوني صعيبة، بحكم انه داير الإضراب على الطعام، وهو كيعاني من مرض مزمن وصحتو ماشي حتى لتما.

وحضر فالدوة داليوم المعطي منجب، اللي يالاه خرج بسراح مؤقت، كيف حضر فيها محامي عمر الراضي والريسوني ميلود قندير، ووالد عمر ادريس الراضي.

موضوعات أخرى