وكالات //

رجعات ميكَان ماركل، مرات الأمير البريطاني هاري، باش تدير البوز عاوتاني على السوشيال ميديا، وهاد المرة فواحد الإشهار جديد ديال القهوة.

واخا ماركل مساهمة فهاد الشركة، فالروينة لي نوضاتها كانت بسباب الدور لي لعباتو فهاد الإشهار ولي شافوه بزاف دالناس كيطيح من قيمة الأمير هاري، لي تخلا على لقب الأمير على ودها.

https://www.instagram.com/clevrblends/?utm_source=ig_embed&ig_rid=662440fd-5ef7-4d52-acc3-e8799814a368

حينت بانت ميكَان وهي خدامة خدمة عادية كتجمع الكراطن فلوزين ديال الشركة، فالوقت لي لعبات فيه المديرة التنفيذية ديال الشركة دور الباطرون وهي لي كانت كتدور على الخدامة، من بينهم ميكَان ماركل.

وسبق لميكَان علنات شحال هادي، أنها أنفيستات شي فلوس فهاد الشركة بلاما تعلن على شحال بالضبط.