كود كازا//

خرحت الممثلة التونسية الإسبانية هبة عبوك مرات الدولي المغربي أشرف حكيمي نجم باريس سان جيرمان الفرنسي، باش تكشف على رأيها فقضية اتهام راجلها باغتصاب بنت ففرنسا.

واوضحت هبة عبوك أنه كان ضروري تخرج تشرح شنو واقع باش تقدر على إستئناف حياتها الشخصية والعامة والمهنية بأقل قدر ممكن من الضرر والصدمة ، وحماية أطفالها قبل كل شيء.

وقالت هبة في بيان لها نشرو موقع “ElPais”: “الحقيقة هي أنه مضى بعض الوقت منذ أن اتخذت قرار إنهاء علاقتنا ، بعد الكثير من التفكير ، قبل وقت طويل من الأحداث اللي كانت مؤخرا على وسائل الإعلام (قضية اتهام أشرف حكيمي باغتصاب بنت ففرنسا)،  بعد اتخاذ قرار الانفصال قانونيا والتوقف عن العيش معا، في انتظار إجراءات الطلاق، شكون كان يتخيل هادشي بالاضافة إلى مواجهة الألم المعروف اللي كيترتب على الانفصال ، وتقبل الحزن اللي كيترتب على فشل مشروع عائلي عطيتو نفسي والجسد والروح ، وكان علي أن أواجه هاد العار، و احتاجيت شوية ديال الوقت باش نهضم هاد الصدمة”.

وبخصوص قضية اتهام أشرف حكيمي بالاغتصاب قالت هبة عبوك: “كنت ديما في حياتي وغادي نكون ديما إلى جانب الضحايا ، وبالتالي ، نظرًا لخطورة الاتهام ، عندنت فقط الثقة في العدالة، اتوسل إليكم أن تحترموا خصوصيتي وخصوصية أطفالي في هاد الظروف الحساسة، وكنشكر جميع الأشخاص اللي بينولي دعمهم وتعاطفهم”.