الرئيسية > كود-تيفي > مراتو المغربية كانت خايفة يوقع ليه بحال خاشقجي.. 4 سنين ديال الحبس للناشط اسامة الحسيني اللي كان سلموا المغرب للسعودية
01/10/2021 18:00 كود-تيفي

مراتو المغربية كانت خايفة يوقع ليه بحال خاشقجي.. 4 سنين ديال الحبس للناشط اسامة الحسيني اللي كان سلموا المغرب للسعودية

مراتو المغربية كانت خايفة يوقع ليه بحال خاشقجي.. 4 سنين ديال الحبس للناشط اسامة الحسيني اللي كان سلموا المغرب للسعودية

هاجر شريد – گود//

قالت منظمة حقوقية ف لندن ان المحكمة الجزائية المتخصصة بقضايا الارهاب ف السعودية، حكمات على الناشط السعودي اللي عندو الجنسية الاسترالية، والمعارض لنظام بنسلمان، اسامة الحسني ب4 سنين ديال الحبس، والمغرب هو لي كان سلموا للمملكة.

اسامة الحسني تعتقل ف فبراير، كان تشد فاش وصل لمطار محمد الخامس ف كازا باش يتلاقا بنتو ومراتوا هناء اللي مغربية.

وديك الساعة كانت وكالة المغرب العربي، اكدات عن مصدر قضائي، بان السلطات المغربية غادي تاخد قرار بتسليم اسامة الحسني الى السلطات السعودية لي كانت قدمات طلب. وهادشي فاطار نشرة البحث الصادرة ف حقو عن “انتربول” من اجل قضية كتعلق بالسرقة.

وسبق لمراتو ان صرحت لوكالة رويترز للأنباء: “خايفة على راجلي لا يوقع ليه بحال خاشقجي ، هو جا للمغرب باغي يشوفني ويشوف بنتو لي عندها 4 اشهر”.

موضوعات أخرى

23/10/2021 13:30

روشيرشي من الأنتربول.. بوليس طنجة حطو بارون المخدرات “حمبلي” تحت حراسة مشددة وسط كلينيك بعدما شرملوه شي وحدين بالجناوة البارح فـ أشقار

23/10/2021 12:00

علاش العلاقات المغربية الإسبانية مزال واقفة ومابغاتش تزيد الكَدام؟.. هادي سوارتها السحرية اللي ماباغاش إسبانيا تستعملهم 

23/10/2021 11:00

الناس عيات من السعاية فـ طوبيسات طنجة.. كيطلعو و فـ الطريق كاملة وهوما كيسعاو فاص أفاص مع الركاب اللي كرهو الطوبيس واللي يجي منو