وكالات //

ولات واحد المرا كبيرة عندها 62 عام فأستراليا قادرة أنها تجمح الحيوانات المنوية ديال راجلها لي مات، بعدما قنعات المحكمة فالبلاد أن راجلها كان باغي يولد.

هاد السيدة كان عندها مع راجلها ولد وبنت، ولكن بجوجهم ماتو ليها، الأول مات فكسيدة عام 2019، والبنت ماتت فرحلة صيد شحال هادي وعمرها 23 عام.

هاد الحوادث المأساوية لي وقعات لولادهم بجوج، هي لي خلات المحكمة تقتانع بالرغبة ديال المراة الأسترالية.

بعدما مات راجلها ف 17 دجنبر لي فات، طلبات المراة من المشرحة ديال السبيطار لي مات فيه راجلها أنهم ياخدو ليه الحيوانات المنوية ويخزنوها.

وكيقولو العلماء أنه باش نقدرو نخرجو الحيوانات المنوية من الراجل لي ميت ويكونو فحالة مزيانة، خاص هادشي يدار ليه فاليوم أو اليومين التاليين بعد الوفاة ديالو.