وكالات//

قررات واحد المرا كبيرة فالعمر أنها تخلي للمشاش ديالها والكلاب لي مربياهم كاع الثروة لي جمعات، ولي ساوية 2.8 مليون دولار، ومنعات 3 دولادها من الورث ديالها.

على حساب ماقالت الصحافة الصينية، فهاد السيدة بررات القرار ديالها بأن المشاش والقطوط لي رباتهم كانو ديما حداها، وولادها متسوقوش ليها وتجاهلوها ومسامحين فيها.

هادي 10 سنين، كتبات هاد المرأة وصية كتفرق فيها الثروة ديالها على ولادها بـ3، ولكن فين تجاهلوها قررات تبدل رأيها وكتباتهم للحيونات الأليفة لي عندها فالدار.

لسوء حظ هاد السيدة، أن القانون دالصين كيمنع الناس من أنهم يخليو الثروة ديالهم للحوينات، ولكن المحامي ديالها لقا واحد التخريجة، وهي أنها غادي تكتبها لمستشفى دالحوانات لي غادي يربيهم.