كود سبور//

تعرضت زوجة نجم كرة القدم رضا الجعدي اللاعب السابق ديال الوداد الرياضي اللي سنا مؤخرا، مع اتحاد طنجة، للسرقة بمدينة الدار البيضاء السبت اللي فات، وشفرو لها التيليفون ديالها فالشارع.

وكشفت زوجة رضا الجعدي وهي رومانية الجنسية، فسطوري حطاتو فأنستغرام ديالها غير دابا، أنها كانت ضحية سرقة يوم السبت الماضي، مع الساعة 6:30 ديال لعشية.

وحسب مراة الجعدي، فهي تعرضت لهجوم وسرقة أمام مركز تسوق “Aeria Mall”  بمدينة الدار البيضاء، من طرف شي واحد كان راكب على موتور، وخطف لها تيليفوم iphone 13 pro.

زوجة الجعدي أكدت أن التيليفون ديالها مؤمن مزيان، والشفار اللي داه ما عندو ما يدير به وما غيستفدش منو، ولكن هي محتاجة الأيفون اللي تشفر لها، وأنها عارفها بلي سرقو لها على قبل لفلوس، داكشي علاش طلبت منو فالسطوري يرجع لها الأيفون اللي سرق وغتدبر عليه بمكافأة مقابل التيليفون.