وكالات//
خلق الظهور ديال بيانكا سينسوري، مرأة مغني الراب الأمريكي كاني ويست، جدل كبير فواحد الجولة اللي داروها فواحد السوق فجزيرة مايوركا السبنيولية، بسبب اللبسة ديالها اللي بزاف وصفوها بـ”الفاضحة”، و كاين اللي بدا كيهدَر على إمكانية تعرّضها للمساءلة القانونية إلى خالفت القوانين ديال البلاد.
سينسوري كانت مع راجلها وكان معهم ختها أنجلينا، و داو دورة فالسوق وهي لابسة حوايج اعتبرهم البعض ماكيحترموش الذوق العام.
ناس اللي كانو حاضرين قالو بللي اللبسة ديال سينسوري كانت كتكشف بزاف من جسمها، وهادشي ما عجبش شحال من واحد، خصوصا حيت السوق كان عامر بالناس.
هاد الظهور جا من بعد شهور ديال التوتّر اللي كان فالعلاقة بينها وبين كاني ويست، خصوصا من بعد ما حضرت لحفل جوائز “غرامي” ففبراير بواحد الإطلالة اللي دارات البوز بزاف، وخرجت أخبار على أنهم كانو كيفكرو فالطلاق وحتى بداو كيتشاورو مع المحامين.
ورغم هاد الجدل اللي كيدور على طريقة لباس وظهور بيانكا فالعَلَن، باين عليهم بجوج فهديك الجولة كانو منسجمين ومرتاحين، اللي كيعطي الانطباع بللي يمكن تجاوزو الأزمة اللي كانت دايرة الصداع فبداية العام.
