كود كازا ///

ملايري كبير ومتحكم فكلشي وكيدعي باللي صحابو حاكمين القضاء والاجهزة الامنية الخارجية٬ هاد لملايري هو مول البارود جواد اليوسفي مول فضيحة المدرسة الامريكية. سلطتو ما خطات حتى شي مدينة. هادي 7 ايام وال اليوسفي اللي كان بوهم من مساعدي ادريس البصري٬ حابسين زنقة البنان وزنقة الخوخ فعين الدياب فكازا. علاش هاد الشي؟ حقاش ال اليوسفي مزوجين ولدهم ببنت مول علف الساحل بوهمام

العرس بغاه هاداك جواد اليوسفي بحال ايلي الزناقي فملك عائلتو. حبس زناقي. دابا هادا راه احتلال ملك عمومي.

فهاد العرس غاديين نشوفو الليلة واش هاداك اليوسفي جواد امبراطور البارود فالبلاد٬ كيحكم فرجالات الدولة. كيقولو ناسو باللي عرض علي كلشي وكلشي غادي يجي عندو. كلشي كيقصدو الدولة وخاصة عدد كبير من رجالات القضاء. هادي تقدر تكون غير ادعاءات، دابا التصاور والفيديوات يوضحو هاد الشي الليلة وغدا السبت