سامي العلوي -گود كازا //

كاين الجديد فالكونكور لي كان عبد الصادق الصادقي مدير المدرسة الوطنية للتجارة والتسيير بسطات أجلو وفتح فيه بحث اداري، ولي كان خاص الشفوي ديالو يدوز نهار الخميس لي داز.

على حساب ما قالت مصادر “گود”، فراه عبد الصادق الصادقي مدير المدرسة الوطنية للتجارة والتسيير بسطات لغى بشكل نهائي هاد الكونكور ديال “باك صاحبي”، وقالو مقربين منو انه كيقول بلي كاينة نواقص شكلية وجوهرية هي لي خلاتو يسد هادشي حتى يتعاود يتفتج بالشفافية والنزاهة.

مصادر “گود” اكداتوان عبد اللطيف الميراوي وزير التعليم العالي والبحث العلمي والابتكار طلع ليه الدم فهاد الموضوع ديال التوظيفات لي دار فيها مجهود باش تتقاد ولكن باقي المخرمزين كيلعبو فيها.