كود الرباط//

علمت “گود” من مصدر مطلع، بلي محمد اليعقوبي، والي جهة الرباط سلا القنيطرة، كيزور كل سبت المستشفى الجديد ابن سينا، للوقوف على مدى تقدم الأشغال ويقابل الشادة والفادة.

ولكن للي مثير فهاد الزيارات الأسبوعية، هو أن الوالي كيمشي بلا مدير CHU د الرباط، رؤوف محسن، للي كيحلم يكون مدير مستشفى ابن سينا الجديد. هادي تقريبا مدة طويلة مبقاش كيمشي معه.

كان هاد المدير كيمشي ف لول مع الوالي اليعقوبي، ولكن مبقاش كيكون معه فالزيارات، حسب مصادر “گود” الوالي معندوش مع الهضرة بزاف والتملقات الخاويا وداكشي لاش مبقاش كيديه معه.

مدير CHU د الرباط فرحان هاد الأيام بواحد بلاغ غبي صدراتو الشبكة المغربية للدفاع عن الحق في الصحة، واخا هاد الشبكة فيها غير نقابي واحد وشي صحابو، وهو علي لطفي، ديال نقابة odt للي واحد الوقت دخلت مع البام، قبل ما يطردهم وهبي فاش كان أمين عام. نقابة صغيرة كيحتمي بها مدير chu.

المهم هاد الشبكة دارت بلاغ كدافع فيه على مدير chu ضد ما تنشره الصحافة وضد بيانات النقابات، في سابقة من نوعها، غادي نرجعو ليها بالتفاصيل وعلاش هاد الشبكة ونقابة odt تدافع بشراسة عن مدير chu.

يشار بلي المستشفى الجديد ابن سينا، غايكون فيه 1044 سريرا، من بينها 148 سريرا في وحدات العناية المركزة والإنعاش، ببنية علاجية من الجيل الجديد، والذي يتم تشييده على بقعة أرضية تبلغ مساحتها الإجمالية 11,4 هكتارات، بهندسة عصرية وبعرض علاجي متميز وإدماج للتكنولوجيات المتطورة في المجال، بما يمكن من الاستجابة للاحتياجات الحالية والمستقبلية للمدينة.

وسيتكون المستشفى من برج استشفائي من طابق أرضي و33 طابقا (مع طابقين سفليين)، وقطب طبي وتقني من خمسة طوابق (مع ثلاثة طوابق سفلية)، وبرج من 11 طابقا (مع ثلاثة طوابق سفلية) مخصص للعصبة الوطنية لمقاومة أمراض القلب والشرايين، ومركز للمؤتمرات ومركز للتكوين والتدريب وداخلية.

وسيجهز الجزء الشمالي-الشرقي للبقعة الأرضية، الذي يحتضن المستشفى الحالي، بفضاءات خضراء وحدائق كما يرتقب أن يضم متحفا للطب ومواقف للسيارات وبنايات ملحقة.

وبمساحة مغطاة تتجاوز 190 ألف متر مربع، سيشتمل المستشفى الجديد على قطب للاستشفاء، ووحدات للعناية المركزة، ومستشفيات نهارية ومصالح للاستشارات الخارجية، والتنظير الداخلي، ومستعجلات، ووحدات الاستشفاء وإعادة التأهيل ووحدات الإنعاش، ووحدة للحروق الكبرى، ومصلحة أمراض الجهاز التنفسي الحادة، ومركز لمعالجة القصور الكلوي ومنصات تقنية ومنصات لوجيستيكية وإدارية وطبية وفندقية.