كود – مراكش///

شدو بوليس الدائرة الأمنية الاولى بمراكش في الساعات الأولى من صباح يومه الخميس 4 شتنبر مدير نشر جريدة الكترونية بمراكش، ومراسلا صحفي كيخدم لفائدة هاد الجريدة، بعد تورطهما في تهم كثيرة بعدما دارو شي فوضى بمحيط ملهى ليلي بالحي الشتوي بمراكش.

وبحسب المعطيات اللي توصلات بها “كود”، فإن مدير نشر هاد الجريدة المذكورة كان ماشي هو هداك مني دخل فشي مشادة مع الحارس الخاصين لملهى ليلي بالمنطقة بسبب تصويرهم وهو فهاد الحالة، قبل أن يتطور الأمر واتاهموهم بإهانة البوليس اللي تدخلوا باش يفكوا هاد الاشتباك ورفض النظام العام.

مصادر “كود” أكدات باللي هاد المراسل اللي كيخدم فهاد الموقع دخل على الخط، حيث صعد بدراجته النارية من الحجم الكبير فوق الرصيف في محاولة لتخويف الحراس الخاصين، ما رفع من حجم الاحتقان لا سيما بعد شروع المراسل في تهديد عنصر من الاستعلامات العامة بدعوى حيازته لمقطع فيديو يوثق لتقصريه مهنيا.

هاد التصعيد اللي وقع، حسب مصادرنا، استدعى في النهاية تدخل عناصر الأمن اللي شدات هاد الصحافيين معا وبعد إخضاعهما للجس الوقائي وقالو بقاو عندهم شي تخربيق.

دبا راهم مزال عند البوليس تحت الحراسة النظرية. يقدر يكون التقدم غدا حدا النيابة العامة او يقدر يكون التمديد لفائدة البحث. نساينو هادشي فين غادي يخرج.