وكالات//

نوض واحد الفيديو انتاشر على مواقع التواصل الاجتماعي روينة فتركيا كيبين واحد الراجل مدير مدرسة وولدو (17 عام) وهوما كيتعداو بطريقة خايبة على راجل ومراتو كبار فالعمر.

كيبان ف الفيديو الدري الصغير وهو كيضرب الراجل لي قد جدو وسط الطوبس، وشداتهم الكاميرا لي كانت فالداخل ديالو.

الصحافة ديال تركيا كتقول إن الراجل الكبير كان غادي للسبيطار حينت مريض بالفشل الكلوي.

وزارة التعليم ديال تركيا قالت أنها وقفات المدير ديال المدرسة والبوليس علنو أنهم شدو الرجل وولدو، وطلقو الولد من بعد.