كود كازا ///

حميد ساعدني مدير الاخبار المتقاعد غيزيد يورط “دوزيم” ففضائح اخرى وخاصو يمشي فحالو. ساعدني من 4 يوليوز كيواصل العبث ديالو وتوريط دوزيم في فضائح كثيرة، هاد المرة فقانون الشغل. داز شهر و8 ايام ومدير الاخبار السي ساعدني ما عندوش الحق يحط رجلو فدوزيم لأن وزير التشغيل رفض ليه التمديد، لكن رغم ذلك مازال دافع السنطيحة وكيجي ويمارس المهام ديالو بحالي مزال مدير

كود سولات عدد من الصحفيين لي أكدوا ليها أن ساعدني باغي يربح الوقت ويتحايل على القانون ويبقى يزيد خصوصا أنه كيتخلص صالير مزيان والمنصب ديال مدير كيستغلو. هادشي كامل بتواطؤ من نقابة القناة لي ضاربة الطم ودايرة يديها فيديه وكلشي مستافد. ياك زعيم النقابة خدم بنتو الوافي للي مستواها ضغيف٬ كصحافية فالقناة٬ اش بغى كثر.

حميد كيكذب على المقربين منو بلي عندو التمديد وهو مزال مدير، دابا شكون كيكذب على شكون؟ ساعدني لي ما عمرو دار شي اجتهاد في الاخبار ملي تعين مكاين عير الشوهة ومنها هادشي لي وقع هاد الأسبوع ملي رسل صحابو لتغطية أولمبياد باريس، واحد منهم صاحبو وقيادي في نقابة دوزيم كان مصور وولى صحفي شامل كيستغل إسم القناة في دورات تدريبية مع المجالس المنتخبة، والثاني لي دوز وحدة كدير الاشهار للريسطو ديالها في دوزيم وهو ممنوع في قانون السمعي البصري وفي دفتر تحملات القناة، ومن الفضائح أن هاد الصحفي أصلا خاص يكون كونجي فهاد الوقت، لكن ساعدني خرج الصحافيين ديال الرياضة كونجي ودخل عشرانو .

دابا هاد الفوضى تالين غادي تبقى مستمرة يقول صحفي بالقناة ل”كود”. كيطلب الادارة العامة تدخل لوقف فضايح كتوقع فالقناة. أما من الناحية القانونية فواخا يكون مدير دوزيم غادي يدير كونطرا لساعدني فالقانون تيقول بلي هاد المنصب خاصو واحد مرسم وماشي واحد تقاعد ورجع بالكونطرا.

وللإشارة فإن حركة داخلية عرفتها مديرية الاخبار لدوزيم منذ أبريل الماضي طالبت برحيل ساعدني وكل من بلغ سن التقاعد لإفساح المجال أمام الطاقات الشابة وهو المطلب الذي وافقت عليه وزارة السكوري لي مبغاش يقبل التمديد لساعدني وكل الملفات المماثلة، لكن المشكل فدوزيم لي فاتحة الباب لجيل المتقاعدين يرجعو يخدمو والشباب في البطالة.