الرئيسية > آش واقع > مديرية الصحة فكازا بغات متطوعين يعاونوها فمرضى “كورونا”
01/04/2020 20:44 آش واقع

مديرية الصحة فكازا بغات متطوعين يعاونوها فمرضى “كورونا”

مديرية الصحة فكازا بغات متطوعين يعاونوها فمرضى “كورونا”

عفراء علوي محمدي-كود//

طلقات المديرية الجهوية للصحة فكازا باب الانخراط فعملية التكفل بمرضى فيروس “كورونا” المستجد للمتطوعين من مهنيي الصحة، باش تستعن بالخدمات ديالهم إذا اقتضت الضرورة، وهذشي فإطار الإجراءات الاستباقية للتصدي للوباء.

وحسب إعلان للمديرية، فتفتح باب التطوع فوجه المهنيين فقطاع الصحة، ومنهم حتى المتقاعدين، اللي كيشتغلو فميدان أمراض القلب والشرايين، وطب الأمراض التنفسية، وطب الإنعاش والتخدير، وطب المستعجلات، وكذلك الممرضين فمختلف التخصصات، والحاصلين على ديبلومات فالكليات والمعاهد الوطنية أو الخاصة المعتمدة من طرف الدولة وغير المدمجين فأسلاك وزارة الصحة.

وبالنسبة اللي توفرات فيهم الشروط وبغاو يشاركو فهذ العملية، فيمكن ليهم يبعثو بريد إلكتروني ل[email protected] ، فيه نموذج الترشيح اللي رفقاتو المديرية مع الإعلان، ونسخة من الدبلوم اللي حصل عليه المرشح، ونسخة من لاكارط ناسيونال.

وفنموذج الترشيح، غيخص المترشح يدير سميتو وكنيتو، وفوقاش تزاد، ونيميرو دلاكارط، والدبلوم اللي عندو، والتخصص، والعنوان ديالو، ورقم الهاتف، وخاصو يحدد المراكز الاستشفائية او المندوبيات اللي بغا يخدم فيها.

موضوعات أخرى

03/06/2020 21:30

تجار لحوايج فكازا كيستعجلو يرجعو يخدمو وها آش مقتارحين باش متسدش السواق مستقبلا بسبب كورونا.. ومهني لـ”كود”: تحرك المقاولات الصناعية رهين بعودة هاد القطاع للعمل

03/06/2020 21:00

تحطات ضدها شكاية بتهمة ازدراء الدين ..بوشكيوة فحوار مع “كود”: أنا ماخايفاش حيت من حقي مناقشة الدين .. وخاص تجفيف منابع التطرف من خلال برامج تعليمية متنورة

03/06/2020 20:00

بيان “الاتحاد” على “ضريبة على الثورة”. راني ماواكلش الشمع ولا النُّخالة آ بوعزة!!! گولو لينا فيمن عينيكم