وكالات//

أكد البوليس ديال تايلاند بلي مديرة مدرسة “باتونغبراثانكيريوات”، ساسيفات سينساموسورن، ماتت من بعدما تصابت برصاص واحد مسلح دخل لحرم المدرسة فمدينة هات ياي فجنوب البلاد، وفارقات الحياة فالسبيطار فالفجر ديال نهار الخميس (12 فبراير).

الهجوم خلا حتى طالبة تصابت، ولكن الحالة ديالها مستقرة دابا، وكاين حتى تلميذ آخر هزوه للسبيطار من بعدما نقز من السرجم باش يهرب من وابل الرصاص.

وحدّدات السلطات هوية المهاجم، وحسب جريدة “ميرور”، راه شاب عندو 18 عام، وكان عندو تاريخ ديال مشاكل فالصحة النفسية وتعاطي المخدرات.