وكالات//

خرجو تقارير جداد وراو باللي كاين تزايد فعدد المرات اللي تشافات فيها لفاعي “أدير” ولا المعروفة بـ الأفعى الأوروبية الشرسة فجنوب النكليز، وهاد النوع هو الوحيد السام فبريطانيا.

على حساب الخبرا، كيبداو هاد الأفاعي كيخرجو من الغيران ديالهم ما بين فبراير ويونيو، وكيتكاثرو فالصيف، خصوصاً من يونيو حتى لغشت.

مؤخراً، تشافات بزاف منهم فبلايص بحال سانت آيفز وجنوب ويلز، والبوليس خرجو تحذيرات لأصحاب الكلاب باش يربطو حيواناتهم، خصوصاً فالمناطق البرية والغابات اللي كيتواجدو فيها هاد الأفاعي بكثرة.

كتقدرو تعرفو أفعى الأدير من الشكل ديال الحراشف ديالها، اللي كيجي فشكل خطوط كيتعرجو.

الذكور ديال هاد الأفعى كيكونو فعاد اللون الفضي، والإناث كيميلو للون البني المحمر. الطول ديالهم ما كيوصلش للمتر، وكيحماو فالعشاب الطوال ولا فالغابات. هاد النوع كيتخالف مع أفاعي العشب اللي ماشي سامة، واللي عندها ألوان صفراء وكحلة وكتكون أطول شوية.